Stille etter stormen.

Så har veret roa seg og litt snø over markane er med til å lyse opp. Gjekk ein tur i fjøra i går og såg på skadane som uveret hadde gjort. Mange naustdører hadde måtte gi tapt for høg flo og store bårer. Andre naust var meir raserte.

Så kom sola fram og la sit lys som eit plaster på skadene og eit tegn på at me går mot lysare tider.

I dag er siste dagen i 2011, og i kveld går rakettane i lufta att. Eg vil ynske alle eit godt Nytt År og takke for mange fine minner frå dette året som no går ut.

Dagmar på besøk.

Etter ein fin julaftan med Gudsteneste og julekveld med god julemat, og me var så heldige å ha Lillian også Steinar og Kristin med sine born på besøk. Me var så mange at me fekk til ring rundt jultreet og me song julesongar, og las den gamle Julebodskapen i lag. Meldingane om orkanen Dagmar som skulle kome utover kvelden 1. juledag låg nok som ei spent uro i sinnet. Me var i kaffi selskap med Steinar om ettermiddagen 1. juledag og om kvelden i skyminga auka vinden på. Etterkvart vart vinbrølet faretruande stert og det riste i huset og takplater klirra. Då me skulle gå heim i 23 tida, såg me att løa hos naboen måtte ha gitt tapt for vindpresset  og eit stort tuntre låg velt over den.

Skogen har fått hard mefart, og mange tre er rotvelte eller knekte. Naboen si fine store selje låg rotvelt.( første bilde)

Eit rotvelt plometre kan brukast til å klatre i.

Ja no er det over for denne gong, og me set att med ein for mange ein dramatisk opplevelse. Heldigvis vart ikkje noko bolighus rasert her med oss, det gjekk hardast utover naust og uthus denne gongen. Straumen fekk me att her 2. juledag om ettermiddagen, ander måtte vente lenger. Dei som jobbar med linjene har hatt ein strid tørn. Så får me håpe det vert ei stund til neste gong.

Ein fin 20. desember.

Det kom litt snø i helga, men i går var det mildver og regn. Så vakna me i dag til klar himmel og ein liten måne skein på himmelen. Det var 2 kuldegrader og fint vinterver, men desverre lovar vermeldinga at det vert berre i dag og så kjem mildveret og regnet att. I morgon snur sola,som me seier, så eg måtte oppom huset og take nokre bilete av sollyset på denne fine dagen.

I dag har eg vore og kjøpt juletre, og eg har rista golvteppa i nysnøen, etter gamal skikk. I går baka Jorun fire sortar julekaker, så no kan jula kome.

Midt i hårdest vinter skjedde det en gang,

som i jern lå jorden under vindens sang.

Sneen la eit teppe over iskald jord.

Midt i hårdest vinter,

 ble Maria mor.

Så vil eg ynskje alle ei god jul, og la fortellinga om barnet som Maria fødde få lyse opp i våre hjerte og sinn.

Adventstid.

Ja no er det ei god stund sidan eg har skreve i bloggen, og det har allerie vorte langt ut i advent. I morgon skal me tende det tredje lyset i adventstaken, og me skal i Kyrkja på konserten der me syng dei gode julesongane på nytt.

Snøen kom natt til måndag, våt og tung, men sidan har den fått lege som eit kvitt teppe og gjordt det lysare i mørketida. Det er ikkje så mykje snø her med oss, ca. 10 cm. på markane og det har vore ei fin veke med fin temperatur.

Sola er lav no, i dag klokka 1410 titta ho såvitt fram, men nokre skyer kom og skjulte den ganske fort. Men om 11- 12 dagar så går det mot lysare tider att.

Til slutt tar eg med eit bilete av Oktoberblomsten min, som eg no har måtta flytta inn i kjellaren for å verne den mot frosten. Den har no stått like fin i to månader og den er ein fryd for auga. Så vil eg ynskje alle ei god adventstid.





November

November har i år vore ein fin måne med mykje fint ver. Me har hatt mange fine dagar med klar himmel og temperaturer rundt 0 grader. Og her som eg bur har sola lyst opp og gitt sine varme strålar både på kropp og i sinn.

 Desse to bileta tok eg på torsdagen, eg hadde meg ein tur utetter vegen om ettermiddagen. Sola sende sine siste strålar over Hovdeåsen i 15 tida, og me kunne såvitt sjå at skyer var på veg i vest. Fredag vakna me til skodde og regn og i dag på laurdag er det same veret.

Skyene ligg langt ned i fjella og skodda ligg som ei grå kappe i fjellsidene. Temperaturen no på føremiddagen er 9 varmegrader og det er regn i lufta. Ja slik er november her på våre kantar, det skiftar fort i veret, og brått kan snøen kome på vitjing også. Småfuglane her leita etter mat på fuglebrettet i fleire dagar no, og har fått sine Solsikkefrø der.

Oktoberrose

I fjor til påske fekk me ei stor fin påtteplante, gul og fin. Då sumaren kom sette me den ut på altanen og der stod den grøn i bladverket, men i oktober kom den med nye fine blomster.

Planta overlevde vinteren i kjellaren og i sommar har den vokse seg stor medan ho har hatt sin plass på altanen. Me tok den inn i kjellaren i slutten av oktober då det var fare for nattefrost. Då skjedde det i år også, den fekk knuppar og det spratt ut gule fine blomster. Eg må seie eg er litt kry av den store fine planta, og no når dagane er så fine, måtte eg sette ho ut i sola.

Eg veit ikkje kva planta heiter, men eg kallar den berre for Oktoberrose sidan det er då ho blomstrar.Eg sette henne også i beddet der det enno står andre plantrer og roser, og den tok seg fint ut der okså..

Bilete frå ein Skorgedalstur i november.

Onsdagen i veka som var tok eg meg ein tur opp i dalen, som me seier. Veret var fint og Skorgeura låg der naken og avblomstra. Berre grantrea og Lerken hadde farge i nelene sine.

Mosen og lyngen skapte eit fargerrikt teppe.

Det var stilt å gå i skogen, det var lite fuglesong. Snart var eg ved Leitesteinen, og dalen opna seg framover.

Elva rann stille og roleg .

Det var noko blaut og vått på myra, men det har då regna mykje i haust.

Fjella teikna seg skarpt og mektig mot himmelen

Som så ofte før vart Sætra endemålet for turen, der eg åt nista mi i ly av ein selvegg.

Kortur til Ulvesund fyr

Siste helga i oktober var Kyrkjekoret på tur til Ulvesund fyr, ved Måløy, der me hadde øvingshelg. Det er Sølvi Hopland som driv kafe og pensjonat i den gamle fyrvokter bustaden, som ho i 2004 fekk leige av staten og sette i stand til eit seregent og koseleg pensjonat.

Me kom dit på fredagskvelden i kuling og regnver, men på laurdagen letta regnet opp og me nytta lunchpausen til å gå tur.

Det meste av tida var songøving, men me fekk også stunder der me kosa oss i stova. Og laurdagskvelden var det program med konkuransar og forfriskning. Sølvi Hopland er ei flink sangerinne og har gitt ut fleire CDar, og ho sang for oss og fortalde frå arbeidet sitt på fyret.

 For å spe på inntekta av kafeen, selde ho mange fine ting og handarbeid. Der stod også gotterier på disken som frista.

Me hadde ei fin helg der på fyret.

Glimt frå Vesterålen

Mjåsundet.

Tek ein av frå riksvegen på Skålbrekka og køyrer over Veggemo mot Vea paserer ein Mjåsundet. Det er der Langvatnet er på det smalaste og fylkesvegen er lagt i fylling over vatnet. Når ein er på denne fyllinga, som er berre 30 -40 meter lang, så opnar det seg mot nord ei utsikt som det er teke mange bilete av. Ei naturperle både på dagtid og om natta når midnatsola kjem fram.

Husa me ser til høgre hører til garden Langmoa, og til venstre ser me såvitt siloen på ein av gardane på Nygjord.

kvldsstemning

Midnattsola dukkar fram.

Ser ein den andre vegen, så forset vatnet vidare mot Vea. Her ligg vatnet og naturen i lyset av midnattsola.

Haustdagar

Denne veka vart det to fine dagar, torsdagen og fredag var svert fine. Eg var ute i hagen og kosa meg med å gjere den vinterklar. Torsdag tok eg inn altankassene med Skaugumbegonear. Det var nesten litt trist å hive alle dei fine blomane på dungen, men knollane må i hus før dei frys. Knollane har vakse seg store i sommar, det er vel alt regnet som har gjort det.

Det er eit heldt arbeid å få dei reine for våt og seig mold. Fredagen var det ein svert fin morgon og soloppgong, og då eg henta posten i 08 tida tok eg desse bileta.

Så var det å klippe ned det me kallar spirea. Denne gamle planten som veks seg over meteren høg og har kvite blomespirar i toppen på førsommaren. Den visnar ned om vinteren, og eg plar klippe den før frosten kjem og eg mel stengelane opp med kompostkverna. Det vert god gjødsel av det.

Så får ein glede seg over dei få fine dagane ein får denne hausten, og håpe på at søen og kulda let vente på seg.